A keni menduar ndonjëherë se sa e vështirë është për hajdutët e mundshëm të marrin me mend PIN-in e kartës suaj? Nëse nuk e keni bërë, këtu janë disa kërkime interesante mbi kombinimet më të zakonshme.

Autori i këtij hulumtimi është Nick Barry nga kompania Data Genetics, dhe rezultatet tregojnë se PIN-i më i zakonshëm në botë është ende “1234”, por ka edhe kombinime të tjera që janë shumë të zakonshme dhe mund të mos e keni menduar.

Kriminelët kibernetikë nuk e kanë një punë të lehtë kur duan të grabisin dikë dhe të zbulojnë PIN-in e tyre, por njerëzit që përdorin disa nga këto kombinime të zakonshme ua bëjnë jetën shumë më të lehtë.

Siç thotë Barry, tashmë dihet mirë se nuk është e zgjuar të përdorësh datat e lindjes ose të njëjtat katër numra si kombinimet PIN. Megjithatë shumë e bëjnë këtë.

Për kërkime, ai përdori 3.4 milionë kombinime PIN që u zbuluan në internet, domethënë ato u gjetën në forume të ndryshme pas sulmeve të hakerëve.

Siç thamë, “1234” është kodi PIN më i zakonshëm (që përbën 11% të të gjitha kombinimeve), i ndjekur nga “1111”, “0000” dhe “1212”. Top 10 plotësohet gjithashtu nga kombinimet e mëposhtme: “7777”, “1004”, “2000”, “4444”, “2222” dhe “6969”.

Barry gjithashtu bëri një listë të kombinimeve më pak të përdorura – kështu që sipas kësaj, ju jeni mjaft të sigurt për të përdorur “8068” sepse ai PIN është përdorur në vetëm 25 nga 3.4 milionë rastet e analizuara. Disa kombinime të tjera të rralla janë: “8093”, “8398”, 7638″, “8428” dhe “8285”.

Përndryshe, ekspertët e sigurisë këshillojnë ndryshimin periodik të PIN-it për të reduktuar mundësitë për abuzim. /Telegrafi/